Prosiect peilot oedd Mentora Amlieithog mewn Ysgolion Cynradd wedi’i fodelu ar y prosiect Mentora ITM a oedd wedi cael ei gyflwyno dros flwyddyn academaidd 2024-25.
Roedd y prosiect wedi creu partneriaeth rhwng myfyrwyr prifysgol sy’n gallu siarad mwy nag un iaith ac ysgolion cynradd yng Nghaerdydd i annog dysgwyr 9-11 oed i feithrin brwdfrydedd a chymhelliant dros ddysgu iaith. Roedd y mentoriaid wedi gwneud hyn drwy gynnal gweithdai a sesiynau wyneb yn wyneb am iaith, diwylliant a hunaniaeth.
Datblygiad cyffrous o’r Cwricwlwm i Gymru newydd yw bod Ieithoedd Rhyngwladol yn cael eu cyflwyno’n gynharach ar lefel ysgol gynradd. Roedd y prosiect hwn wedi cynnig cymorth i’r sector cynradd wrth i’r sector ddechrau ar y gwaith o ddatblygu eu darpariaeth gyffrous ym maes ieithoedd. Gan gadw hyn mewn cof, cenhadaeth a gweledigaeth y prosiect oedd:
- annog dysgwyr i fod yn chwilfrydig am bob iaith a diwylliant
- herio safbwyntiau a rhagdybiaethau am eraill
- hyrwyddo ymdeimlad o gymuned fyd-eang
- dathlu amrywiaeth ddiwylliannol ac ieithyddol
- dangos sut mae ieithoedd yn cefnogi lles a thwf personol
Ariannwyd y prosiect gan Bartneriaeth Ymgysylltu Dinesig De Cymru (sydd wedi’i weinyddu gan Brifysgol De Cymru) a chafodd ei gynnal ar draws pedwar Sefydliad Uwch yng Nghymru: Prifysgol Caerdydd, Prifysgol Metropolitan Caerdydd, Prifysgol De Cymru, a Choleg Brenhinol Cerdd a Drama Cymru.
Os hoffech ddysgu mwy am y prosiect peilot yma, cysylltwch ag Ana Carrasco ar carrascoa@cardiff.ac.uk.