Gyda’r Nadolig ar y gorwel, rydym wedi manteisio ar y cyfle i greu adnodd hwyl y gellir ei ddefnyddio gyda dysgwyr cynradd CA2 a dysgwyr uwchradd CA3 er mwyn galluogi iddynt ddysgu am y Nadolig ar draws y byd. Mae’r adnodd yn archwilio ystod eang o ieithoedd a chysyniadau gwahanol, o sut i ddweud Nadolig Llawen yn Hawäii, i archwilio traddodiadau Nadolig Cymreig fel y Fari Lwyd, i fod yn greadigol yn y gegin i greu Bûche de Noël blasus.

Mae’r adnoddau’n cwmpasu ystod eang o wahanol ddiwylliannau ac ieithoedd, ond hefyd yn cynnig cyfleoedd i ehangu dealltwriaeth ieithyddol dysgwyr yn y Gymraeg, Sbaeneg, Ffrangeg neu Almaeneg. Ar gyfer athrawon cynradd nad ydynt yn arbenigwyr ieithoedd rhyngwladol, mae nodiadau manwl a ffeiliau sain wedi’u cynnwys, ac ar gyfer athrawon uwchradd, mae’r adnoddau’n cynnig cyfle i ymchwilio i amrywiaeth o wahanol gysyniadau a strwythurau iaith.

Mae’r adnodd hwn yn rhan o gyfres sy’n cael ei datblygu gan dîm Mentora ITM, gyda’r nod o gefnogi ein cymuned wych o athrawon wrth i ni wreiddio amlieithrwydd yn ein dosbarthiadau iaith.

Cadwch eich llygaid ar agor am ragor o adnoddau’n cael eu lansio dros y misoedd nesaf a fydd yn cynnwys ystod eang o wahanol bethau, gan gynnwys Lego ac Alebrijes – ydyn ni wedi dal eich sylw?!